Noiz:
2022-11-19 all-day
2022-11-19T00:00:00+01:00
2022-11-20T00:00:00+01:00
Donosti: Ipuin Kontalarien VIII. Maratoia

Prest dugu Ipuin Kontalarien VIII. Maratoiaren egitaraua

Azaroaren 19an izango da, Donostiako Liburutegi Nagusiko Sotoan. Galtzagorri Elkarteak Ipuin Kontalarien Maratoiaren zortzigarren ekitaldia antolatu du Haur Liburutegi Nagusiarekin elkarlanean. Aurtengoan ere, egitarauak haurrak, gazteak eta helduak erakarri nahi ditu.

Lau saioak doan dira, jarleku guztiak bete arte.

Hona prestatu dugun egitaraua:

  • 11:00etan Aho bete jolas. Lourdes Gorostegi eta Idoia Barandiaran. 2-4 urte.

Mundu txiki-txikitik, mundu handi-handira… esku-jolasak, kontuak, kantuak eta ipuinak izango ditugu. Txikitxoenekin literaturaren unibertso zoragarrian murgiltzeko aukera paregabea.

  • 12:00etan Laminak Donostian. Juan Kruz Igerabide. 5-9 urte.

Tradizioko istorioak kontatuko, eta poema batzuk tartekatuko ditugu, batzuk entzuteko, beste batzuk elkarrekin esateko.

  • 17:00etan. Ganbaran aurkituko dudan altxorra. Iñaki Carretero. 7-12 urte.

Ganbarak altxor kutxa handiak dira, trastez beteak daude eta traste guzti horiek istorioak dituzte barruan. Nire amonaren etxeko ganbaran maleta handi bat zegoen. Amonak ez zabaltzeko esan zidan eta, irekitzen saiatu nintzen arren, giltza behar nuela ikusi nuen…

  • 18:30etan. Maiasunaren materia(lak). Mireia Delgado eta Uribarri Atxotegi. 15 urtetik aurrera.