Ermua: Hezitzaileentzako II. Jardunaldiak

Kukulaisi aisialdirako topaguneak Hezitzaileentzako II. Jardunaldiak antolatu ditu. Urtarrilaren 28an izango dira Ermuko Izarra Centren, “Nahi dugun aisialdi eredura jauzi!” lelopean.

Topaguneko SENDI, UEMA eta Urtxintxa izango dira formazio emaleak. Izan ere, ezagutzak elkarbanatzea saretzearen lehengo pausua dela uste dute. June Furundarena zuzendariaren hitzetan “Aisialdiariko topagunearen bazkideak batera elkarlean indartsuagoak dira”.

Ermua aisialdi arloko eragileek elkarrengandik ikasteko topagune bihurtuko da. Formazio egun aberats eta aberasgarri bat izatea da asmoa, eta oraingoan hitzaldiak baino, tailer dinamikoak, elkarrekin eta elkarrengandik ikasteko abagunea ematen dutenak izango dira protagonista. Hizkuntzen trataera eta hezkidetza, bereziki harreman sexu-afektibo eta botere-harremanetan fokua jarriz, dira landuko diren bi gai nagusiak.

Kukulaisik aisialdi euskaldun, hezitzaile eta berritzaile batean sinesten du, eta horretarako aipatutako bi ardatzak jorratzea ezinbestekotzat jotzen du.