Noiz:
2022-05-14 @ 16:00 – 19:00
2022-05-14T16:00:00+02:00
2022-05-14T19:00:00+02:00
Oiartzun: Haur Literatur ekimen LGTBIQ+ eta feminista

Aurten lehenengo aldiz Haur Literatur ekimen LGTBIQ+ eta feminista antolatu dute Oiartzunen. Maiatzaren 14an izango da, 16:00etatik 19:00etara. Liburu txokoak izango dira, txapa eta orripunttu tailerrak ere bai, musika lasaia… Baita Kontzejupe Plazako eskaileren margoketa ere. Haur liburuen txokoaren osatzerakoan helburu nagusia LGTBIQ+ gaiak eta egoerak era batera edo bestera ikusarazten dituzten liburuen hautaketa egitea izan da. Diotenez, «kontziente ginen gutxi zirela, horregatik barnebildu ditugu genero ikuspegia duten eta aniztasuna bere zabaltasunean balioan jartzen dituzten liburuak. Kalitatea ere izan dugu hizpide haur liburuak hautatzerako unean, izan ere, literaturzaletasuna transmititu nahi badugu edozerk ez du balio». Album ilustratuak dira gehien-gehienak, baina komikien txoko bat ere osatu dute, baita erdaraz dauden eta gurera ekarri nahi izan ditugun hainbat altxor ere. Sei hilabetetik gorako haur, gazte eta helduek gozatzeko adinako eskaintza osatu dute. Ez galdu!!