Gaur proposatu nahi dizuegun familia planak badu naturatik eta badu zientziatik ere.

Oso zaila egiten zaigu unibertsoaren baitan  gure txikitasuna kokatzea, onartzea eta are eta zailagoa txikitasun horretaz gure seme alabekin eta haurrekin hitz egitea. Iruñako Yamaguhi parkean kokatzen den galaxiaren  lorategiak honetarako aitzakia ederra eskaintzen digu. Gaurkoan parke hau eta lorategiaren bisita  proposatu nahi dizuegu familian egiteko plan moduan.

Planetarioak Galaxiako Lorategia eraikitzea sustatu zuen 2017. urtean Europan bakarra da, eta Esne Bidea eskalan irudikatzen du. Lorategia osatzen dituen 500 zuhaixka baino gehiagok Esne Bideak dituen milioika izarrak, nebulosak, gas-hodeiak eta –ustez– erdian dagoen zulo beltz supermasiboa irudikatzen dituzte. Kontutan izan behar dugu Eguzki-sistema  osoa erraz  sartuko zela edozein hosto txikitan!

Lorategiak jolas interaktibo ezberdinak eskaintzen dituen arren, nahikoa aitzakia iruditzen  zaigu eguzki sistema eta munduaren tamainua galaxian kokatzeko ariketa bera, lorategira bisita proposatzeko.