Sei hilabetez egon da martxan Leintz Eskola Kirolak antolatutako 12 ikastetxe 12 tontor ekimena. Ordutik asko izan dira jasotako argazkiak eta baita ere parte hartu duten neska-mutikoak. Erronka zen nork bere erritmoan Debagoiena bailarako hamabi tontor igotzea, eta horrekin batera familian mendiaz gozatzeko ekimen bat antolatzea neska-mutilen eta gurasoen artean bizi-ohitura osasuntsuak sustatuz.

Tontor horien artean ziren Udalaitz, Murugain, Aitzorrotz, Kurtzetxiki, Besaide, Maktzgain, Anporreta, Asentzio, Teilamendi, Izpizte, Orixol, Kurtzebarri, Orkatzategi eta Arlutz. Hamalau proposatu dituzte antolatzaileek.

“Hamabi tontor igotzen dituzten guztiek beraien argazkiekin hornitutako diploma bat jasoko dute erronka amaitu bezain laster. LEK-eko ikasturte amaieran aldiz, hau da, ekaineko lehenengo astean, mendizaletasunarekin loturiko sari berezi bat eskuratuko dute”, adierazi dute LEK-eko ordezkariek.

Hemen duzue ekimenaren berri zein jasotako argazkiak.