UEUk antolatuta, ikastaroa praktikoa izango da eta familia bilerak dinamizatuko dira.
Azaroaren 8n, Eibarren (UEU), familiaren eta irakasle-hezitzaileen artean sortzen diren harremanen gaineko ikastaroari hasiera emango zaio: Familia harremanak eraikitzen izenekoa.
“Familiaren eta irakasle-hezitzaileen arteko harremanean ematen diren dinamika desberdinak aztertuko ditugu ikastaroan; baita hauen ondorioak ere. Harreman honekin lortu nahi dugunaz hausnartu behar dugu, bidean topatuko ditugun indargune eta ahuleziak identifikatzeko, baliabideak eskuratzeko, oztopoak gainditzeko eta onurak ahalik eta gehien eta modu efikazenean erabiltzeko”, azaldu du Eli Moreno psikologoak eta kurtsoko irakasleak.
“Haurrarentzat, familia eta irakasle-hezitzaileak direla figurarik garrantzitsuenak”, dio Morenok. Izan ere, haurrarentzat biak dira eredu. “Biek helburu jakin batzuk konpartitzen dituzte, hauen artean haurraren heziketa dago. Beraz, esku hartzeak norabide berdina jarraitu behar du. Bien arteko komunikazioa ezinbestekoa da norabide berdinean eragiteko eta egiten diren interbentzioak osagarriak izateko”.
Baina nola eraikitzen dira harreman hauek? “Bi agente hauen arteko harremana beti dago, baina batzuetan ez da nahiko genukeena. Beraz, lehenengo zer nolako harremana nahi dugun aztertu beharko genuke eta behin hori jakinda nola egin planifikatu (…). “Harremana positiboa bada, gaztetxoarengan modu positiboan eragingo du. Konfiantzazko eta errespetuzko ingurune batean, jarrera hobea izango da eta ikasten dugunak indar gehiago izango du”, nabarmendu du.
Ikastaro praktikoa
Ikastaroa praktikoa izango da Eibarren. Aukera egongo da familiekin erdi epeko planifikazio bat garatzeko; bestetik, familia bilerak dinamizatzeko eta elkarrizketa pertsonalak aurrera eramateko tekniketan entrenatuko da. Informazio gehiago helbide honetan duzue: www.ueu.org/ikasi
Argazkiaren iturria hemen.