Familientzako plana: Irunberriko arroila (Nafarroa)

Zailtasuna: erraza / Iraupena: 3 bat ordu / Ibilbidea: motzak 2,5 km eta luzeak 5,5 km

Irati ibaiak urteetan zehar higatutako kareharrian barrena, eta tren zaharraren ibilbideari jarraituz ezagutu daiteke Irunberriko arroila. 130 metroko labarrak sai zuri eta arreen bizileku dira eta lotsarik gabe ibiltzen dira hegan, bisitarien zelatan. Ibilbidea erraza da, lagunartean zein haurrekin egiteko modukoa, eta gainera, bi aukera eskaintzen ditu. Motzenak, 2,5km-koak, Irati ibaiaren ertzetik egiten du joan-etorria, Iratiko tren zaharraren bi tunel zeharkatuz. Luzea (5,5km-koa), berriz, zirkuitu antzeko bat osatuz, arroilaren goialdetik hasi eta bueltan ibilbide motzarekin elkartzen da.

Ibilbidearen hasieran autoa parkingean uzteko aukera dago, 2 euroren truke, eta hamaiketakoa egiteko mahai aproposak ere badaude.

Argibideak eta argazkiaren iturria hemen.