Familientzako plana: LARRAITZ – ABALTZISKETA (Gipuzkoa)

Zailtasuna: erraza / Iraupena: 60 min. (joan-etorria) / Ibilbidea: 1,5 km  / Goibehea: %8.

Larraitzeko ermitaren ingurutik hasi, eta Abaltzisketaraino, Aralar parke naturaleko paisaiak inguratzen du ibiltaria bi puntuak lotzen dituen  ibilbide irisgarrian. Bidean zehar, inguruko natura eta kulturari buruzko 40 informazio-panel daude, eta, fauna espezie askotariko brontzezko hainbat irudirekin, gertutik uki daiteke natura.

Noranzko bakarrean, 1,5 kilometroko luzera eta %8ko gehieneko malda ditu bideak; beraz, joan-etorrian egiteko modukoa ere bada, ordubetean. Gainera, gurpildun aulkidunentzat eta ikusmen arazoak dituztenentzat egokia da.

Eguraldi eskasa topatuz gero, ibilbidearen amaieran Abaltzisketako frontoi estaliak jolaserako aukera aparta eskaintzen du, baita haren pareko jolasparkeak ere.