Familientzako plana: Lea ibilbidea (Bizkaia)

Zailtasuna: erraza / Iraupena: 60 min. (joan) / Ibilbidea: 3 km  / Goibehea: -.

Umeekin patxadaz, eta oztopo zein aldapa handirik gabe egin daiteke hiru bat kilometroko ibilbidea, oinez. Amoroto herriko Ugaran-Oleta auzoko Klaudio jatetxearen beheko aldean dagoen aparkalekuan utziko dugu autoa, eta bertako jolasparketik abiatzen den bide berdea hartuko dugu.

Soro artean egingo dugu ibilbidearen lehen zatia eta asfaltozko errepidera irtendakoan eskumara hartuko dugu, berriz ere, senda berdea hartzeko. Gaztainondo, pinu eta eukalipto artean egingo dugu bidea, Lea ibaia bidelagun isila dugularik. Kosta aldera hurbildu ahala aldatu egingo da paisaia eta baina usainak bai.

Marierrota marea-errotak egingo digu ongietorria Lekeition, eta bertatik laster iritsiko gara itsas-ertzera. Itzulera, bide beretik egingo dugu.