Familientzako plana: OMAKO BASOA (Kortezubi – Bizkaia)
Zailtasuna: erraza / Iraupena: bi ordu. / Ibilbidea: 7,4 km
Basondo auzoan dagoen Lezika jatetxearen ondoan hasten da ibilbidea. Aparkalekuan hasi eta seinaleei jarraituz iristen da baso bizidunera. Hortik aurrera, norberak erabaki behar du zein ibilbide egin, irudiak bilatzeko jolasean aurrera eginda.
Basotik irtendakoan, Omarako auzo-errepidera doan baso-bidean eskuinetara eginda, Olakoerrota eta Goikolea errotak topa daitezke. Azkenik, Basondora bueltan gidatuko du bideak ibiltaria, eta, nahi izanez gero, aukera aparta da Santimamiñeko aztarnategi arkeologikoa bisitatzeko.
Ibilbide zirkularrak 7,4 kilometro ditu eta bi orduan egiteko modukoa da, betiere basoan denboraren arabera. Zailtasun berezirik ez izan arren, irisgarritasun aldetik, ezin da gurpil-aulkiekin edo haur-kotxeekin ibili.