Gerezi sasoia den honetan neska-mutikoekin egiteko moduko errezeta goxoa eta erraza proposatzen dizuegu gaurkoan. Sei lagunentzako flan errezeta da honakoa. Ordu laurdenean prestatzen da eta beste 45 minutu beharko ditu labean. Errezeta Orathay Souksisavanhena da.

OSAGAIAK

  • 5 arrautza gorringo.
  • 50 cl esnea.
  • 80 g maizena.
  • 25 cl esnegaina postreetarako.
  • 110 g azukre.
  • bainila poltsatxo bat.
  • 150 g gerezi izoztuak.

URRATSAK

  • Prestatu moldea gurinarekin eta irinarekin.
  • Egosi esnea eta esnegaina. Gehitu bainila.
  • Beste edukiontzi batean nahastu gorringoak, azukrea eta maizena. Bota gainetik esnearekin prestatu dugun nahasketa. Nahastu gogoz eta sutan jarri irakin arte. Utzi sutan irakiten 30 bat segundoz.
  • Bota nahasketa guztia aurretik prestatutako moldera.
  • Berdindu gaina koilara batekin eta bota gainera izoztutako gereziak.
  • Labean sartu behar da flana. 180 gradu eta 35 minutu. Flanaren gaineko aldeak gorritu egin behar du pixka bat.
  • Atera labetik eta guztiz hozten utzi.

Iturria hemen.