Txatxilipurdi elkarteak eta Arrasateko udalak elkarlanean antolatzen dugun Freskura egitasmoan, aurkitu dezakegun liburu bat aurkeztu nahi dizuegu gaur. Chris Haughtonen album xumea da “Galdu Samar”, jatorriz Korean argitaratua 2010ean (A bit lost) eta hainbat hizkuntzatara itzulia. Liburu honek sari ugari jaso ditu orain arte AEBetan, Holandan, Irlandan, Ingalaterran…

Galdu samar (A bit lost) habian lo geratu eta lurrera erortzen den hontz txiki baten istorioa kontatzen digu. Galdu samar, katagorri bati laguntza eskatzen dio ama berriro aurkitzeko, eta, beraz, nolakoa den deskribatzen dio. Urtxintxa arduratsua da, baina ez oso espabilatua, eta hontz txikiak ematen dizkion ezaugarriei erantzuten dieten animaliak bilatzen ditu basoan zehar: oso handia (hartza), belarri zorrotzak (untxia) eta begi handiak (igela). Azkenik, hontz txikia eta bere ama berriz elkartzen dira, baina istorioak berriro hasteko mehatxua egiten du.

Album erraza, laburra eta, argumentuan originalegia ez bada ere, irakurle txikientzat erakargarri egiten duten zenbait gako ditu. Kolore lauak dira nagusi liburuan, irudien garbitasunak eta irakurtzeko erraz bilakatzen du, eta horretan laguntzen dute orrialde askotan ikusten ditugun hondo zuriek ere.

. Begiak, keinu hizkuntza oso ondo eta sinple adierazita daude, eta elkarrizketa- eta mugimendu-sentsazioa transmititzen dute.

Irudien sinpletasuna, umorearen erabilera eta amaren erreferentziaren bilaketa errepikakorra, haur txikiekin askotan funtzionatzen diguten elementuak aurkituko dituzu liburuan. Esan bezala Arrasateko musakolako igerilekuan eskuragarri duzue!