Alvaro Bilbao neuropsikologoaren etxean arau argia dute: “Afalostean haurrek ez dute telebista ikusten”. Familiari  dagokion erabaki soil bat dirudienak, berez, oinarri neurozientifiko sendoa du.

Bere  argitalpen batean, Álvaro Bilbaok azaldu du zergatik behar duen haurren garunak pantailetatik deskonektatu lotara joan aurretik, honetarako  2021ean Danimarkan argitaratutako Lisbeth Lund irakasleak sinatutako azterketa zientifiko batean oinarritu da.

Datuek arrazoia ematen diote adituari: gauean pantailen eraginpean egoteak ez du soilik haurren loa aldatzen, baizik eta hurrengo egunean oreka emozionala eta errendimendua alda ditzake.

Garunak iluntasuna behar du loa egiteko

“Pantailek igortzen duten argiak melatoninaren jariaketa atzeratzen du; iluntzen duenean gure burmuina jariatzen duen hormona bat, lo geratzen laguntzen diguna”, azaldu du Bilbaok. Alterazio honek haurren erloju biologikoa desdoitzen du. Haurrak lotara joan aurretik  telebistari, tabletari edo mugikorrari lehentxeago begiratzen dionean, burmuinak oraindik gaua ez dela  interpretatzen du. Hau da, bere garunak, iluntasunik ez duenez, logura “egiteari” uzten dio.

Esan beala, Bilbaok, Lisbeth Lundek (Danimarkako Unibertsitatea, 2021) gidatutako berrikuspen zientifiko bat aipatzen du, gailu elektronikoek haurren loan duten eraginari buruzko dozenaka ikerketa aztertu zituena. Ondorioak garbiak  izan ziren: oheratu aurretik pantailak erabiltzen dituzten adingabeek denbora gehiago behar izaten dute lo hartzeko, ordu gutxiago atseden hartzen dute eta loaren kalitatea okerragoa da.

Álvaro Bilbaok, aipatutako azterlanaren emaitzetan oinarrituta, afalostean telebista edo pantailak ikusteak dituen ondorioak laburbildu ditu:

– “Lo geratzeko zailtasun gehiago dituzte”, garunak denbora behar baitu erlaxatzeko eta melatonina sortzeko.
– “Ordu gutxiago lo egiten dute”, ez bakarrik beranduago oheratzen direlako, baizik eta haien atsedena azalekoagoa delako.
– “Amesgaizto gehiago dituzte”, pantailak erabili ondoren garuneko kitzikapen-maila altua baitago.
-“Eguneko neke handiagoa”, lo faltak organismoak bere energia berreskuratzea eragozten duelako