12 eta 16 urte artekoei zuzendutako lehiaketara eta azaroaren 30era arteko epea izango dute lanak aurkezteko. Orain arte moduan, aurpegia edo gorputzeko beste edozein atal liburu baten azalean agertzen den irudiarekin bat etortzea izango da helburua eta liburuaren izenburua argi eta garbi ikusi beharko da. Irabazleak 150 euroko bonua izango du, Elkar liburu-dendan erosteko.

Bi fitxategi bidali beharko dira. Batetik, argazkia eta bestetik, parte-hartzailearen datu pertsonalak (izen-abizenak, telefonoa, posta helbidea, helbide elektronikoa eta adina). Era berean, parte-hartzaile bat baino gehiago baldin badago, guztien datuak eman beharko dira. Lanak posta elektronikoz bidaliko dira, helbide honetara: kulturate@arrasate.eus.

Hauek dira parte hartzeko baldintzak: aurrez beste inon argitaratu gabeko argazkia izan behar da; lehiakide bakoitzak argazki bat baino gehiago aurkeztu ditzake; argazkiak oinarrizko eskubide eta askatasunekin koherentea izan behar du, pertsonen duintasuna eta adin txikikoen eskubideak errespetatu behar ditu; indarrean den araudia bete behar du, hortaz, ezin dira urratu hirugarrenen eskubideak, bereziki jabetza intelektualarena, ohorearena, pertsonaren eta familiaren intimitatearena eta norberaren irudiarena, ezta hirugarrenen datu pertsonalen erabilerari dagokiona ere.

Argazkian agertzen diren pertsonen irudi eta datuak argitaratu ahal izateko, adinez txiki direnez, derrigorrezkoa izango da gurasoen baimen sinatua eskuratzea. Haiek onartu eta baimendu beharko dute beren seme-alaben irudia agertzen den argazkia lehiaketa honetan erabiltzea eta horri dagozkion webgune eta sare sozialetan argitaratzea. Baimen hau argazkiarekin batera bidali beharko da. Klikatu hemen baimenaren inprimakia deskargatzeko.

Iturria: Goiena.eus.

Informazio gehiago: hemen.