Gurasoentzako interesgarriak izan daitezkeen erreferente eta izenak batzen joango gara guraso.eus ekimenean. Gaurkoan Emmi Pikler eta Locy institutua ekarri ditugu.

Hungariako pediatra honi haurraren motrizitatearen garapenari buruzko aurkikuntza garrantzitsuak zor dizkiogu, baita haurren garapenerako baldintza egokien bilaketa nekaezina ere. Gainera, bere erabakitasunari esker, haurren  eguneroko bizitza azterketa zientifikoko objektu bihurtzea lortu zuen.

1946an Emmi Piklerren esku utzi zen Budapesteko umezurztegi  baten ardura (gaur egun Pikler Institutua bezala ezagutzen  dena). Espazio honetan,  hazten zeuden haurren garapena zaindu eta gurasoekin lotura esanguratsurik ez izateak sor zitzakeen gabezia dramatikoak saihestuko zituen bizi-esperientzia eskaintzeko bidea bilatu zuen.

Horrela, Lokzy kaleko umezurztegian   haur txikiez arduratzeko modu original eta berritzaile bat sortu zuen. Haur-guraso harremana ordezkatu  nahi izan gabe, Emmi Piklerrek eta bere laguntzaileek haurrei aukera eman zieten  beren zaintzaileekin lotura beroak ezartzeko. Honetarako,  zaintza  momentu bakoitzean haur  bakoitzari eskainitako arreta esklusiboa,  , helduen egonkortasuna eta lanarekiko koerantzia,  eta haurren banakako beharretara egokitu ziren.

Emmi Piklerrek, bere “Moverse en libertad” liburuaren bitartez, mugimendu autonomoren garrantzia azpimarratu zuen eta giza garapenean ezinbestekoak diren alderdiei balioa ematen zien:

  • Autonomiaren balioa: motrizitatearen, jolasaren eta jarduera autonomoaren garapen librearen bidez.
  • Harreman afektibo pribilegiatuaren balioa: zaintzaren, loturaren eta segurtasun fisiko eta emozionalaren bidez.
  • Haurrak bere buruaz eta ingurukoez jabetzea: haurrak bere eguneroko bizitzan duen ekimena errespetatuz eta sustatuz.

Euskal Herrian badago Emmi Pikler elkartea eta webgune propioa dute. Hemen.

Idatzi eta liburu ugari argitaratu dira emakume honen lana oinarri hartuta, Hik Hasik argitaratutako Pedagogo sortzaileak izeneko monografikoan ere aurkituko dugu bere izena noski.

Euskal Herriko ikastetxeetako eguneroko jardunean eragina duten 25 autoreren —pedagogoak, psikologoak, maisu-maistrak…— berri jasotzen da liburua da. Hezkuntzaren historian eragina izan duten eta uneotan ere ekarpenak egiten ari diren autoreeen ideia nagusiak biltzen dira.

Informazio gehiago:

https://www.piklerloczy.org/sites/default/files/documentos/juanjo_quintela_pedagogo_sortzaileak_emmi_pikler.pdf

http://www.hikhasi.eus/Artikuluak/20100501/emmi-pikler-ii-jatorduetako-zaintza

http://www.hikhasi.eus/Artikuluak/20100303/emmi-pikler-haurraren-autonomia