Euskaltzaindiak etengabe osatzen eta berrikusten du hiztegiak eta sei hilabetero egiten duen moduan urteko bi eguneraketetako bat egin berri du, oraingo honetan, 795 forma berri jaso dituelarik. Azken eguneratze honetan gehitu diren forma berrien artean da gurasokeria hitza.

Adiera honakoa da:

GURASOKERIA iz. Babes ematearen aitzakian, mendekoei edo zerbitzariei askatasuna edo eskubideak murrizteko joera. Ik. paternalismo. Irakurlearengana hurbildu nahian, haren gainetik kokatu eta gurasokeria nabarmenaz aritzen zaio. Gurasokeriaz blai predikuka.

Tradizioan eta egungo corpusetan oinarriturik egingo ditu eguneraketak Euskaltzaindia eta gurasokeria ohiko bidetik, corpusetik, jasotako forma berrietako bat da. Testu bilketa handia egiten dute Euskaltzaindia, eta horrek osatzen du corpusa. Corpus horretan sartzen dira testu liburuak, prentsa, literatura, administrazioko materiala, telebista, elkarrizketak… Aztertzen dute materiala eta identifikatzen dituzte gehien erabiltzen diren sarrera berriak. Gero, forma berri horiek alderatzen dituzte lehendik hiztegian dauden sarrerekin eta ez badaude aztertzen eta baloratzen dute sartzea komeni den edo ez.

Gurasokeria da lehen ez zegoen eta corpus berrietan sarri agertu dela Euskaltzaindiak hiztegian sartzea erabaki duen forma berrietako bat.

Bestelako forma berriak

Azken eguneraketarekin, 795 forma berri jaso ditu Euskaltzaindiaren hiztegiak: 513 sarrera, 199 azpisarrera eta 83 ohiko lexia. Era berean, 1.515 forma zuzendu edo osatu dira. Guztira 51.407 forma jasotzen ditu orain hiztegiak, 69.364 adiera, 114.002 adibide eta 519 esaera zahar.

Gurasokeria hitzaren batera gehitu diren forma berrien artean dira: ajoarriero, guakamole, sueztitu, potxa, alioli, pisto, entsalada errusiar, erantzukidetasun, kakorratz, onkeria, reggaeton, santujale, topless edo ziborg.