Txatxilipurdi elkarteak Puntua aldizkarian duen kolaborazioaren bitartez eskulan proposamen ugari sortu ditu azken urteetan. Proposamen hauetan, eskulanak naturara gerturatzeko aitzakia moduan azaltzen ditugu. Hauetariko asko guraso.eus era ere ekarri izan ditugu. Naturako elementuekin sortzen eta jolasten saiatzen gara. Gaurkoan harriekin egin ditugun proposamena batzuk batu nahi izan ditugu.

 

Baina zergatik harriak?

 

  • Naturak eskaintzen digun elementu bat da, kanpora irten eta natu-guneetan hondartza edo erreka ondoetan harri egokienak bilatzera bultzatzen gaituzte proposamenek..
  • Haur eta helduok, hasiera batean balorerik ez duten gauzak baloratzen ikasten dugu. Harriak doan dira eta guk balorea ematen diegu.
  • Haurrei (baita helduoi ere, froga ezazue!) harriak margotzea gustatzen zaie! Jarduera polita da elkarrekin egiteko! Agian guk proposatzen dugun eskulan edo jolasak egiteko marrazkiak helduok egin beharko ditugu, baina haurrak gurekin batera froga dezake, marraztu, formekin jolastu…

Zer da behar dena?

 

Gauza handirik ez egia esan. Harriak biltzeko gune egoki bat, hondartza edo ibai ertzetan aurkitu ditugu guk  harririk egokienak.

Eta hauek margotzeko errotulagailu  edo margoak. Marka eta mota ezberdinak proposatu ditzakegu baina bakoitzak froga dezala. Sortutako harriei barniza ematea ere bakoitzaren gustuen arabera.

1.Harriekin laberintoa egin

 

Harri ezberdinak batu eta mahai gainean edo zoruan labirintoa sortzea da lehen proposamena. Ahalik eta labirinto zailean sortzen saiatu gaitezke. Ondoren beste norbaitek irteera bilatzeko pilotatxo edo marraztutako harri batekin.

 

2. Harriekin irudiak sortu

 

Harri ezberdinak batu ditzakegu, forma eta kolore ezberdinetakoak, ondoren haurrekin batera irudiak sortzea izango da jolasa. Guk plastilina eta errotulagailuekin ere lagundu ditugu harriak. Milaka aukera sortzen dira, animaliak, objektuak, pertsonak…

 

 

 

 

 

 

 

 

 

 

 

 

 

 

3- Harriekin dominoa sortu

 

Harriak margotuz gero aukera asko irekitzen zaizkigu. Zenbakiak, letrak marraztu ditzakegu harrietan. Dominoa egitea beste aukera bat da, zenbakiekin edo koloreekin egin dezakegu.

 

 

 

 

 

 

 

 

 

 

 

 

 

4-Hiru lerroan jolasa harriekin

 

Jolasak sortzen hasita, hiru lerroan jolasa egitea aukera dezakegu. Tamaina berdineko 6 harri beharko ditugu.  Eman kolore eta itxura berezia eta sortu jolasteko  gunea. Gure proposamena kalean jolastea da . Klariona batekin erraz marraztuko duzue jolasgunea!

5-Harriak margotu eta jolasak sortu

 

Harriak margotzea, bere baitan ederra da. Haur eta helduok elkarrekin egiteko jarduera lasaia. . bederatzi harritan;  hiru buru, hiru gorputz-enbor eta sei  hanka marraztu ditugu. Ondoren aukera ezberdinekin jolasteko!  Seguru beste ideiaren bat sortzen zaizuela!