Sara herria (Lapurdi) haur eta gazteentzako den euskal literaturaren topaleku izango da asteburuan. Idazleen Biltzarra egiten dute bertan azken 41 urteetan eta haurrei eta gazteei zuzendutako euskal literaturaren azoka ere bai azken urteetan. Bosgarren edizioa izango du aurten Ikusi Mikusi azokak.

Gaur, ostirala, eskolen eguna izango da eta bihar, larunbata, lfamiliena. “Gaur egun, ez da egina izan haur eta gazteei begira halako azokarik Euskal Herrian. Haur eta gazteei zuzendutako euskarazko literaturan espezializatutako azoka da. “Mugaren bi aldeetan, gazteentzako liburu azokak daude frantsesez edo gaztelaniaz, euskara apur batekin, edota euskal liburu azokak, helduentzako, haurrentzako eta musika eta literatura nahastuz”.

Bi egun

Azokak gaur, urriak 10, zabalduko ditu ateak eta eskolen eguna izango da. Bihar, urriak 11, familientzako eguna izango da. Azoka ordutegia honakoa da: 10:00etatik 19:00etara. “Gertaera hunek, gizartean dagoen eskas eta behar bat betetzen du. Euskal Herri Osoko ikasleak (eskola egunean), eta jendartea (famili egunean), elkartu nahi ditu, euskaraz den haur eta gazte literaturaren inguruan. Egitaraua ikusgai dago Ikusi Mikusi webgunean.

Haurrak eta gazteak dira azokaren jomuga, baina baita ere haien familiak. “Bertan izango dira haur eta gazte euskal literatura profesional guztiak, Euskal Herri osokoak: argitaletxeak –bakarrik euskarazko liburuak–, idazleak, ilustratzaileak, liburu-saltzaileak, liburuzainak, kontulariak eta artistak”, esan dute antolatzaileek. “Ekitaldia guztiz aurreikusia, gogoetatua eta diseinatuta da haurrentzat, bai altzarien aldetik, bai espazioaren antolaketa aldetik, eta bai jarduerak eta programatutako ikuskizun eta tailerren aldetik, adinen arabera. Forma ibiltariak alderdi guztietan betetzen du jaialdiaren kontzeptua, eskola eta familientzat pentsatuta baita”.

Haur bat liburu bat diru-bilketa kanpaina ere martxan dute. Hemen informazio gehiago.