2012. urtean Ibone Olza psikiatra perinatalak Haurdunaldiaren Ukatzeaz arikulua  idatzi zuen bere blogean

Haurdun dago, eta ez da konturatzen erditu arte haurdun dagoela. Sinestezina badirudi ere, haurdunaldia ukatzea existitzen den nahasmendu psikopatologiko garrantzitsu batekin lotu behar  da. Sintoma deigarrienetako bat da haurdunaldia ez dela nabaritzen, hau da, sarritan bikotekideak edo senideek ere ez dutela  inolako «loditasunik» sumatzen emakumearengan, ezta erditu aurreko egunetan ere.

Nire bizitza profesionalean horrelako bi kasu ezagutu ditut, ia umetxoaren burua agertzen zen une berean  haurdunaldiak diagnostikatu zitzaizkien bi emakume. Horietako bat ama izana zen: izan ere, nahasmendu horrek berdin eragiten die lehen umea erditzera doazenei edo hainbat seme-alaba dituzten amei. Disoziazio larri horren jatorriak lehen haurtzaroko esperientzia oso traumatikoekin du zerikusia. Izan ere, batzuetan zauri psikiko batzuen mina hain handia denez, gogamena defendatu egiten da, gorputza  ez entzuteraino irits daitekeelarik.

Hau hedabideetan agertu zen haur-hilketa baten ondorioz idatzi zuen Ibone Olzak  garai hartan: bi jaioberriren gorpuak aurkitu zituzten Sevillako etxebizitza bateko bi izozkailutan. Ama atxilotu zutenean (bi seme-alaba nagusi zituen), jakin zuten haurdun zegoela, zazpi hilabeteko, eta, antza denez, senarrak ere ez zekien hori. Inork ez zion sinetsi ama horri, haurdun zegoela ez zekiela esan zuenean. Emakume honek tratamendu psikiatriko egokia izatea nahi zuen Ibone Olzak.

Frantzian badira urte batzuk haurdunaldia ukatzeko elkarte bat dagoela: AFRDG (http://www.afrdg.info /). Bertako lehendakaria, Félix Navarro Osasun Publikoko mediku espezialista, aspalditik ari da gaiari buruzko ikerketak egiten eta nahasmendu hori ezagutzen laguntzen, eta, zenbait kasutan, nahasmendu horrek neonatizidio dramatikoa eragiten du. Jaiotza inguruko osasun mentaleko politika eta programa onak ezartzeko beste arrazoi bat, gure herrialdean argi eta garbi falta direnak.

Orain 2021ean  Kosta Ricako kasu berri baten berri eman du bere blogean

“Ama bat epaitzen ari ziren, homizidioa egotzita. Fiskaltzak 15 urteko kartzela-zigorra eskatzen zuen. Epaitzeko arrazoi ziren, semearen erditze presatu gabea, goiztiarra, ospitalez kanpokoa eta asistentziarik gabekoa izatea. Abokatua defendatzaileak publikoak, argi zuen emakumeak haurdunaldia ukatzeko nahasmen bat aurkezten  zuela eta hala defendatu zuen epaiketa osoan zehar, baina hori aitortua ez ote zen beldur, Ibone Olzaren testifikazioa  eskatu zuen”