Haurrak Ere Bai plataformatik bi galdetegi prestatu dituzte. Bat gurasoek eta tutoreek erantzuteko eta bestea haurrei eta nerabeei zuzendua.

“Haur txikiek ere badute zer esana, beraz gurasoen laguntzaz erantzutera gonbidatzen ditugu. Parte hartzea garrantzitsua da ondorioak ahalik eta objektiboenak izan daitezen. Ez dizu denbora asko kenduko, animatu eta parte hartu”, azaldu dute. “Irailean testigantzak jaso genituen, eta orain galdetegi hau sortu dugu, informazio gehiago jaso eta familiek ikasturte hasiera nola bizi izan duten jakiteko. Honekin, #utzihaurrakpakean kanpaina barruan “testigantzak eta behategia” sekzioa bukatuko dugu. Gero, jasotako datuekin behategia egingo dugu beraz garrantzitsua da guretzat ahalik eta parte hartze gehiena jasotzea”.

Haur eta nerabeentzak galdetegia hemen. (5 galdera)

Guraso eta tutoreentzako galdetegia hemen. (24 galdera)