Urdailak ezin du txikle bat desegin edo deskonposatu. Horregatik, irenstea gertatzen denean besterik gabe kanporatu egiten du. Bestela esanda, sartu bada eta ezin bada suntsitu edo aprobetxatu organismoak heste-zirkulazioaren bidez garraiatzen eta kanporatzen du. Hala, ahotik sartu dena ipurditik ateratzen da.

Ez da urdailean itsasten

Txiklea ez da urdaileko hormetan itsatsita geratzen, ez hesteetako hormetan, ez egon behar ez lukeen gorputzeko beste edozein organotan, Uste okerra da itsatsita geratzen dela.

Horrek ez du esan nahi behin eta berriz irenstea kaltegabea denik.
Kontuz ibili behar da; izan ere, haur batek txikle asko irensten baditu aukera gehiago dago tokiren batean tapoi edo blokeo bat sortzeko. Gerta liteke, bestalde, txiklearekin batera digerigarria ez den beste edozer gauza irenstea, hala nola txanpon bat edo antzekoak.

Ondorioz, txikle bat irenstea ez da arriskutsua, baina, jakina, ez da egunero egitea gomendatzen duen zerbait. Gorputza ez dago horretarako prestatua.

“Esan dezagun haur batek ez lukeela txiklerik jan beharko ondo erabiltzeko gai izan arte. Jakin behar du aspertutakoan bota egin behar duela”, ohartarazten du bere blogean pediatriako erizain Armando Bastidak. “Hala, aurretik esandakoagatik saiatu ordura arte haiengana txikleak irits ez daitezen, eta egunen batean sustoa ematen badigute lasai hartu. Dena den, adi ibili dozenaka txikle datozen ontzi horiekin; izan ere, bata bestearen atzetik jaten hasten badira, blokeo-arriskua agerikoa da”.