Azaroaren 20an aldarrikatu zen Haurren Eskubideen Nazioarteko Eguna. Efemeride horren bueltan aurkeztu du Zuekin abestia Kantu Kolore proiektuak. Helburu solidarioa du bideoklipak.

Haurren giza eskubideak ditu jomuga kantuak; izan ere, gaur oraindik ere haur asko daude egoera lazgarriak pairatzen, haurtzarorik gabe edota gerren menpe.

Aurpegi ezagun asko izan dituzte lagun egitasmo honetan Kantu Koloreko kideek. Hala nola, Zea Mays taldeko Aiora Renteria, Mikel Markez eta haren alaba Esti Markez, Gontzal Mendibil… Baita ere Donostiako Orfeoi Gaztea.

Abestia bideoklip batean kaleratu dute eta helburu solidarioa du. Sare sozialetan eskegi dute eta ikustaldiengatik eta deskargengatik jasotako dirua dohaintzan emango diote Ndank Ndank elkarteari.

Elkarte horrek senegaldar eta euskaldunen arteko kulturartekotasuna eta garapenerako lankidetza sustatzen ditu.