Heike Freireren “Educar en Verde” liburua euskarara: Berdean Hezi

Ikerketek eta berezko esperientzia pertsonalek erakusten dute gaur egungo haurrek eta familiek natura behar dutela. Gero eta kontaktu txikiagoa eta azalekoagoa dugu naturarekin eta joera honek eragin kaltegarriak ditu gure haurren eta familiengan. Natura ordezkorik ez duen osasun, ongizate, ikasketa eta sormen iturri agorrezina da. Interakzio zuzena funtsezkoa da zentzumenen eta adimenaren garapenerako; baita garapen sozial eta afektibitatearentzako ere.

Honetaz jabetuta, Heike Freireren “Educar en Verde” liburua da oraingoan Txatxilipurdi elkarteak euskarara ekarri duena: “Berdean Hezi”.  Diego Martiartu Zugastik egin ditu itzultzaile lanak eta Maddi Urizar Altunak ilustratu du azala. Liburua Irrien Lagunak Klubaren laguntzarekin argitaratu dute.

 Liburuaren aurkezpena aitzaki hartuta egitarau zabala prestatu dute azaroaren 13rako. Oier Nafarraterekin egin zuten elkarrizketa Arrasate irratian guzti honen inguruan.