Hortzetako pastek duten fluor kontzentrazioa hartu behar dugu kontuan.
Orain 30 urte agertu ziren fluordun hortzetako pastak. Ordutik nabarmen jaitsi dira ahoko gaixotasunak eta txantxarrak, besteak beste. Gaixotasun horietarako prebentzio onena hortzak egunero garbitzea da, eta odontologoen esanetan fluorra duten pastak dira egokienak. Gomendio da hortzen garbiketa heldu baten laguntzarekin egitea gutxienez sei urte bete arte. Hortzak ondo garbitzearekin batera erabakigarria da dieta osasuntsua egitea.
Fluor kontzentrazioak badu zeresana kontu honetan, eta odontopediatrek diote kontzentrazio horren maila egokia zein den erabakitzeko umearen adina hartu behar dela kontuan. “500 ppm fluor kontzentraziotik beherako pasten eraginkortasunaren inguruko ebidentziarik ez da aurkitu”, diote odontologoek.
. 6 hilabete – 2 urte: 500ppm fluor kontzentraziotik gora.
. 2-6 urte: 1000-1450 ppm fluor kontzentraziotik gora.
. 6 urtetik gora: 1.450 ppm fluor kontzentraziotik gora.
Hortzak garbitzeko ze pasta?
Merkatuan aukera zabala dago, eta gomendioa da fluor kontzentrazio maila kontuan hartzeko. Marka batzuk hortzen garbiketarako eraginik ez duten osagaiak eskaintzen dituzten, esaterako bitaminak, glutena, xilitola, isomalta edo kaltzioa.
Ikusi marka ezberdinen inguruko informazioa eta argazkiaren iturria hemen.