Urtero bezala, aurtengo udazkenean ere, Haur Hezkuntzako jardunaldiak antolatu ditu hik hasi-k. Urriaren 16an BILBOn eta 17an DONOSTIAn, “Haurraren autonomia” gaia hartuta, hainbat arlo jorratuko dira. Izango diren hizlariak:

-Myrtha Chockler psikomotrizista eta psikologian doktorea (Argentina)

-Xabier Tapia psikologo klinikoa (Euskal Herria)

-Teresa Godall Bartzelonako unibertsitateko Irakasle Eskolako irakaslea (Katalunia)

-Alfredo Hoyuelos NUPeko irakaslea (Euskal Herria)

Informazio osoa eta izena emateko aukera, www.hikhasi.eus helbidean. Aurkitu dezakezue.

Jardunaldi hauen inguruan ere hitz egin genuen Arantzazu Muñoarekin Hazi heziko kidearekin. 0-3 urte bitarteko haurrekin lan egiten duten profesionalentzat antolatuak izan arren, gurasoentzat ere interesgarriak eta baliogarriak izango direla aipatu zigun.

Hik hasi proiektuaren baitan kokatzen dugun Hazi hezi aldizkariaren 13. Alea kaleratu zuten uztail hasieran, eta aitzakia honekin hitz egin genuen Arantzazu Muñoa kazetariarekin.

Ale honetan psikomotrizitatea izan zen gai nagusia eta Albaro Beñaran eta Elena Herran psikomitrizistekin gauzatu zuten artikulu interesgarria. Gai nagusiaz gain Marije Sarrionandia pediatrari egin zioten elkarrizketa, udalekuak ere jarri zituzten jomugan eta hauen egookitasunaz eztabaidatu, edo epistonomiaren ondoriak aztertu zituzten.

Aldizkariari errepasoa egin eta jardunaldiak aipatu genituen irratian egin genien elkarrizketan.

 

 
http://goiena.tok-md.com/arantzazu%20munoa%202.mp3