Ana Arena: “Umeek behar baino gutxiago egiten dute lo eta horrek ondorioak izan ditzake garapen kognitiboan”
Poliklinika Gipuzkoako neurofiologoa da Arena. Dio garrantzitsua dela haurrek atsedenerako ohitura onak hartzea.
Atseden hartzea ezinbestekoa da osasunerako, eta garrantzitsua da haurrek atsedenerako ohitura onak hartzea. Poliklinika Gipuzkoako loaren unitateko Ana Arena neurofisiologoari irakurri diogu hemen.
Atsedena ezinbestekoa
Atsedena ezinbestekoa da beste batzuen artean funtzio biologikoak, neurologikoak, hormonalak eta immunologikoak berreskuratzeko. “Gaizki lo egiteak epe motzean eguneko logalea, kontzentratzeko zailtasuna eta gogo-aldartearen asaldura eragin ditzake”, azaltzen du Arenak. “Garrantzitsua da lo-erritmo erregularra mantentzea, antzeko orduan esnatzea eta oheratzea, logelan tenperatura atsegina edukitzea —19 bat gradu—, eta zaratak ekiditea”.
Haurrei dagokienez, Arena doktorearen ustez oso garrantzitsua da adin bakoitzera egokitzea: “Haurrek 3-5 urtera arte siesta egin behar dute haien lo normalaren banaketaren parte delako. Adin horretatik aurrera haur bakoitzaren araberakoa da. Horregatik kasu bakoitza indibidualizatu behar da, eta siestaren iraupena erregulatu, gaueko atsedenari kalterik egin ez diezaion”, azaltzen du.
Patologia ezberdinak
Atseden ez egokiarekin lotuta dauden patologia ugari daude. “Haurrei dagokienez alerta-zeinuak hauek dira: zurrungak, arnasketa-etenaldiak, gaueko edo eguneko jarrera-asaldura logurarekin eta hiperaktibitatearekin txandakatuta, amigdaletako hipertrofia eta gauez maiz esnatzea”, dio Arenak.
Albistearen eta argazkiaren iturria hemen.
Iruzkinik ez "Ana Arena: “Umeek behar baino gutxiago egiten dute lo eta horrek ondorioak izan ditzake garapen kognitiboan”"