2017. urtean sortu zuten Nafarroako toki-entitateetako 28 euskara zerbitzuek Era.eus egitasmoa. Hasiera hasieratik egin dugu bat bere egiteko moduekin eta behin baino gehiagotan ekarri izan ditugu guraso.eus egitasmora bertan argitaratutako edukiak. Oraingoa berriz ere Bertako guraso eskolarako argitaratutako edukian gomendatu nahi ditugu.

Hirugarren aldiz antolatu eta argitaratu dute Gurasoentzako eskola, Amelia Barquin, Kike Amonarriz eta Nerea Permach izan dira  hizlari gonbidatuak.

“Zoriontasuna eta ongizatea, horixe da gurasoek seme-alabentzat nahi dutena. Eta hori helburu aldiro ari dira erabakiak hartzen, izan elikaduraren inguruan, edo osasunarenean, nola lotarako errutinen inguruan… beti dabiltza hautu egokienaren bila. Bada, horietan bezala, hizkuntzarekin lotutakoak ere sarri hartzen dira.“

III. ERA Eskola, gurasoentzako trebakuntza online

Baita podcast formatuan ere

Aurreko bi edizioak bideo formatuan eman ziren, baita honako hau ere. Baina aurten, horrez gain, Podcast formatuan ere eskaintzen dute trebakuntza.

Edizio guztiak ERAko Baliabideen atalean

Era.eus egitasmoko baliabideen atala ere behin baino gehiagotan gomendatu izan dugu eta ERA Eskolaren hiru edizioak Baliabideen atalean aurkituko ditugu, Gurasoentzako Aholkuak azpiatalean.