Xare jardunaldiak euskarazko kultura digitalaren jardunaldiak dira, 15-17 urteko gazteei zuzendutakoak. 2019an egin ziren lau jardunaldietan guztira 1700 ikasle baino gehiagok parte-hartu zuten.

Iñigo Martinez, Xare jardunaldien koordinatzailea

Zer egiten da Xare jardunaldietan?
Gure helburuetako bat euskarazko kultura digitalari ekarpen txiki bat egitea da. Jardunaldi bakoitzean 500 ikasle inguru biltzen dira, eta aiekin gaia ahalik eta hobetoen lantzen saiatzen gara. 

Jardunaldietan 3 aretotan banatzen ditugu ikaslak, eta bakoitzak berezko egitaraua du. Ikasleak zein ordutegiak hiru taldetan banatzen dira eta beste hainbat gauzen artean, euskarazko proiektu digitalak, wikipedia euskaraz, Ahotsak, .eus “lehen hitza euskaraz” egitasmoa, elhuyar…proiektuen azalpen laburrak egiten dira.

Beste areto batean hitzaldi interaktiboak egiten dira, mugikorren bitartez parte hartuz. Lehen hitzaldia “pribatutasuna sarean” da, eta bigarrena “online harremanak”; hau da, pantailaren atzean jendea dagoela erakustea eta aurrez-aurre egiten ez diren gauzak sarearen ez direla egin behar azaltzea.

Hirugarren aretoan lantegi praktikoak egiten dira, 8 daude, haien artean inpresorak, errealitate birtualak eta musika aplikazioak.

Azkenean goiz batean ikasleei begiak zabaltzea da helburua; gauza praktikoak ikastea, erabileraren inguruko hausnarketa egitea, jarraibideak ematea eta egitasmoen beri ematea. Kopuru handiekin mugitzen garenez, 160 laguneko taldeak izaten dira. Baina gauza praktikoak egiteko hainbat taldetan banatzen ditugu, ahalik eta jakintza gehien bereganatu dezaten.

Ikasleak Xare jardunaldietako hitzaldietako bat entzuten.

Zein da jardunaldiaren helburu nagusia?

Euskarazko kultura digitala sustatu eta ezagutaraztea da Azkue Fundazioak eta Xarek

sortutako “Xare egitasmoaren” helburu nagusia: besteak beste, softwareen

euskaratzea bultzatzea eta horiek instalatzeko nahiz erabiltzeko ohitura sustatzea,

baita euskarazko IKTen sektorea ikusarazi zein balioestea ere.

Bestalde, euskarazko proiektuak ezagutaraztea eta balorean jartzea da helburuetako bat. Ikasleentzat egokitutako formatuan ematen dira eta balore informatibo handia dute.

Hurrengo hitzordurik?

Oraindik ez ditugu aurtengo datak zehaztu, baina seguruenik 2019ko data gehienak errepikatuko dira. Aurten ere beste 1700 ikasleri informazio baliotsu hau helaraztea espero dut, eta gehiago badira hobe, izan ere teknologiaren mundu honetan gero eta ezinbestekoagoa da honen inguruan hitz egitea.

Norbaitek informazio gehiago nahi izanez gero sar dadila http://www.xare.eu/albisteak/ webgunera.