Zintzilikatzekoak diren norbere gustuko apaingarriak egiteko proposamenarekin gatoz oraingoan. Denboraz gabiltza, eta Gabonetako zuhaitza apaintzeko sorkuntzak egiten has gaitezke laster.

MATERIALA

  • Intxaurrak.
  • Kola.
  • Pintura.
  • Pintzelak.
  • Soka edo zinta.
  • Purpurina, begitxoak edo bestelako edozein osagai.

NOLA EGIN

1. Intxaurrak hustu. Zabaldu intxaurrak, oskola gehiegi apurtu barik, eta hustu.

2. Itsatsi eta zinta. gehitu Kola erabiliko dugu bi zatiak berriz itsasteko, eta aukera baliatuko dugu zintzilikatzeko erabiliko ditugun zinta zatiak kokatzeko. Kontuz egin beharreko lana da; izan ere, zintek gerora ondo eustea nahi badugu, ganoraz kokatu behar ditugu orain.

3. Margotu intxaurrak. Aukeratu gustuko koloreak eta margotu intxaurrak. Ondo lehortu arte itxaron behar da gero.

4. Apaindu intxaurrak. Begitxoak itsatsi, bestelako apaingarriak gehitu… Purpurina ere erabil daiteke intxaurrei itxura distiratsua emateko.

5. Zintzilikatu. Eskuz egindako apaingarriak nonbait zintzilikatzea besterik ez da falta. Gozatu!