Parean elkarteak ipuin inklusiboen gida batzen duen webgunea argitaratu du, gida honetan batu dituzten ipuin eta liburuek berdintasunean, autonomian, dibertsitatean, errespetuan eta askatasunean euskaraz hezteko lanean lagungarri izan nahi dute. Finean, hezkidetza oinarri duten eta euskaraz idatziak, edo euskarara itzuliak izan diren ipuinak bildu nahi izan dituzte. Guk Miren Lantz parean elkarteko kdearekin hitz egin dugu egitasmoa aurkeztu eta kokatzeko.

Ipuin inklusiboen gida

Lan hau egin ahal izateko Katakrak liburu-denda eta editorialaren ezinbesteko laguntza izan dugu. Baita bost urteetan zehar egon garen ikastetxe, guraso eta jende ezezagunaren gomendioak ere. Izaera interaktiboak lehenengo edizioa hobetu eta aberasteko aukera zabaldu digu eta eskuartean duzuna ariketa kolektiboa da eta izan nahi du aurrerantzean ere.

Proposatutako ipuinen artean hamaika gai aurki daitezke: emakumeek historian egin duten ekarpena ikustarazteko ipuinak, maskulinitate berriak, genero indarkeriari aurre hartzeko proposamenak, homofobiaren aurkakoak, heziketa afektibo sexuala sustatzeko materialak, autoestimua lantzeko ipuinak, emozioak ezagutzeko lagungarri direnak, familia aniztasuna agertzeko bildumak… Gidan dauden ipuinak gai potoloak lantzeko aukera ematen badute ere, literatura lagun, haur eta umeei erakargarriak zaizkien ipuinak izatea lehenetsi dugu.

Badira aspaldi idatzitako eta oraindik oso kuttunak diren ipuin eta liburuak, baita feminismoaren aurrerapausuak kontutan izan eta horiek ikusgarri egiten dituzten ipuinak ere. Argitaletxe txikiak eta material zainduak izatea lehenetsi dugu eta bertan topatuko dituzuen liburu guztiak eskuragarri daude gaur egun.

Ideia eta garapena Parean elkartearena bada ere Asun Casasola elkartearen jardunari erantzuten jaiotako proiektua duzue hau. Asun Casasola elkartea indarkeririk gabeko bizitzak eraikitzako jardunean dirau eta elkarbizitza eta indarkeria desagarrarazteko bidean tresna izan nahi du gida hau.