Ipuinak kontatzea oso onuragarria da haur eta gurasoen arteko lotura afektiboa sendotzeko, baita elkarrekin gozatzeko ere. Liburuetan, interneten, ahozko ondarean badago non aukeratu.

ERA webgunearen Baliabideak atalean topatuko dituzue:  “Aspaldiko naturaren hizkuntza”, “Jentilen desagerpenaz”,  “Sua ez da inoiz itzaltzen”, “Lagun berriak” eta “Azeria, otsoa eta gaztanbera”. Haur Hezkuntza eta Lehen Hezkuntzako lehen zikloko haurrentzat. Istorioak Euskokultur Fundazioak eta Labrit Ondareak egindako ahozko memoriaren bilketaren funtsetatik hautatu eta eguneratuak izan dira, eta ilustrazioak Liébana Goñik egin ditu, istorioen pasarte bakoitza zehatz-mehatz gorpuztuz. Bada, horrez gain, badira ilustrazio guztietan interakziorako puntuak, haien gainean sakatuta haurren esperientzia aberastuko duten animazioak, hotsak eta ahotsak.

Gainera, ipuinok era askotara erabili daitezke:

  • Haurrei bere kasa irakurtzen utzi.
  • Elkarrekin irakurri, ipuinaren pasarteak entzun.
  • Pasarteok entzun aurretik ilustrazioak elkarrekin aztertu…
http://eranafarroa.eus/wp-content/uploads/ipuin-interaktiboak/03-sua/index.html