Baina zein da ipuin kontalari on bat izateko sekretua? Saroa Bikandi ipuin kontalari durangarra formakuntza tailerra gidatzen ari da Arrasaten eta halakoak argitzen eta parte hartzaileak trebatzea da bere helburua.

Arrasateko Udal Bibliotekak gonbidatuta ordu eta erdiko hiru saioko tailerra gidatzen ari da Bikandi. Lehenengoan keinuak, begiradak, eta espazioaren erabilera bezalako kontzeptuak landu dituzte.

Saioa hasteaz bat, aurkezpen txiki bat egin zuen Saroa Bikandik. Bertan adierazi du, atetik sartu aurretik parte hartzaile guztiak direla kontalariak. Arlo teknikoak zehatz mehatz landu daitezkeela azaldu du –entonazioa, keinuak, espazioaren erabilera… –, baina, batez ere, albokoak nola kontatzen duen ikustean jarri du indarra, “hori baita ikasteko modurik eraginkorrena”. 

Aita izan berria den Xabier Gorostidi izan zen lehen saioan. Ahalik eta gehien ikasten saiatu zen.

Iturria: Goiena Telebista.