Aisiladian, herrian eta familian jolasaren garrantzia aitortzen hasiak gara, eta zer esanik ez eskola esparruan. Garapenari begira jolasak umearentzat balio handia duela ikusi den arren, eta denok jolastu dugun arren, jolasaren inguruko ezagutza zehatzago baten beharra antzeman dugu, umeari eskaintza eta akonpainamendu egokiago bat egin ahal izateko. Hori dela eta, eskolan jolasak duen presentzia, dituen ezaugarriak, hutsuneak… ikertu ditu Itziar Arregik. Behar eta interes honek eraman du begi bat jolasaren gainean izatera bai pertsonalki eta bai profesionalki ere.

Guk Itziarrekin hitz egin dugu jolasetik tira eginez.

Helduon buruan “jolasa” den hori eta umearentzat “jolasa” dena ez dira gauza bera. Ez Euskal Herrian eta ez beste herrialdeetan. Umeek ez dute “jolasa” den horretan helduok ikusten dugun guztia ikusten, baina bai beraiek behar duten hori. Helduok badugu tendentzia umearen hobe beharrez, jolasean ere laguntzeko, jostailuak eskaintzeko, joko didaktikoak proposatzeko… badakigulako jolasa garrantzitsua dela umeentzat. Umeek ere badakite jolasa garrantzitsua dela, eta jolastu egiten dute ahal dutenean. Oreka horretan jolasten dute umeek hain zuzen ere, helduok eskainitako baldintzen arabera, baina beraien beharrei erantzunez.

Itziarren idatzi eta hausnarketak irakurtzeko aukera duzue guraso.eus egitasmoan.

https://guraso.eus/author/itziararregilanda/