Zineuskadiren Zinema Euskaraz programaren baitan Izurde magikoa filma estreinatuko da bihar, Euskal Herriko zinema-aretoetan. Ekimen horren barruan, aurten estreinatuko den seigarren filma da.

Izurde batzuk itsasoan galdutako mutiko bat salbatzen dute, eta euren familiako beste bat balitz bezala hezten dute. Gustura bizi dira ur azpian, baina munstro gaizto batek urpeko mundua bereganatuko du. Haurra lehorrera erbesteratzen dute eta lurrean bihotz oneko Murvarid kapitainak hartuko du etxean. Horren eta bere lagun min Elurbola izurdearen laguntzarekin, txikitxoak bere benetako jatorria zein den argitzeko bidaia egingo du.

Mohammad Kheyrandish da pelikularen zuzendaria eta familientzako pelikula honek 90 minututan kontatzen du istorioa. Hauxe duzu trailerra! Ez galdu!