Guraso bilakatu eta lehen orduetako esperientzia oso ezberdinak entzun ditzakegu gure inguruan. Familia eta ama batzuk, erraz, primeran, humoretsu, gogotsu egon daitezke edo hala iruditu dezake… baina askotan, nekea, erditzearen esfortzuak, aldaketek, itentsitateak, ezjakintasun edo urduritasunek, lasaitasuna behar izatera eramaten gaituzte. Laia Casadevall emaginak haur jaio berri bati bisita egiterakoan kontutan izan beharreko 10 gomendio idatzi zituen bere blogean, eta guk guraso.eus era ekarri ditugu gaurkoan . Zuen esperientziak ere gustora irakurriko genituzke.

1.Abisatu beti joan aurretik. Inoiz ez zaitez ustekabean aurkeztu. Saihestu bisita hurbileko senidea ez bazara, hobe jaioberria ezagutzeko aste batzuk itxaroten badituzu.

2. Katarro edo gaixotasunen baten edozein sintomaren aurrean, bisita bertan behera utzi. Jaioberriak oso kalteberak dira, immunitate-sistema oso ahula dute. Zuretzat katarro txiki bat izan daitekeena, berarentzat arriskutsua izan daiteke.

3. Ez jarri lurrinik edo usaindun kremarik. Haurrarengan utz dezakezun edozein usain arrarok amaren eta semearen arteko lotura oztopa dezake. Garbitu beti eskuak sartzean.

4. Ordutegia garrantzitsua da. Saihestu bisitak 19: 00ak baino beranduago, orduan hasten baita haurrarentzako «sorgin ordua».

5. Ez hartu inoiz haurra besoetan, eta ez eskatu hori egiteko. Nolanahi ere, amak eskaini behar dizu bere haurra, baina gogoratu jaioberri bat ez gurasoek bakarrik besoetan hartzea komeni dela. Lehenengo asteak funtsezkoak dira amagandiko lotura eta edoskitzea ezartzeko, eta edozein interferentziak arriskuan jar ditzake bi egoerak. Gainera, haurtxo bat ez litzateke besoz beso pasatu behar garaikur bat bezala, errespetu falta da harekiko eta bizitzen ari den unearekiko, kanpoko mundura egokitzeko.

6. Ez eman musurik haurrari, aurpegian edo eskuetan behintzat. Musuak bakterioen eta birusen transmisio-iturri izan daitezke.

7. Ez egin argazkirik, eskatzen ez badizkizute behintzat. Purperioa intimitate handiko unea da, eta ez da oztopatu edo lapurtu behar gurasoek eskatu ez zituzten irudiekin.

8. Ez eman hazteko edo edoskitzeko aholkurik, eskatzen ez badizkizute behintzat. Ama une zaurgarrian dago, eta erraza da zalantzak dituela sentitzea.

9. Gurasoei laguntzen saiatu, etxeko janaria prestatuz edo eramanez edo seme-alaba nagusiak zainduz.

10. Ez luzatu bisita. Hobe bisitak laburrak badira, gurasoek atsedena eta intimitatea behar dituzte haurra ezagutzeko.