Gizakiok erreferentziak behar ditugu gure errealitatea interpretatzeko. Goian-behan, gertu-urrun edo eta aurretik-ondoren aldagaiek dimentsio espazio-tenporalean kokatzen gaituzten bezala, arauek eta limiteek ondo dagoena edo egin daitekeena definitzen dute, hau da, dimentsio moralean kokatzen laguntzen gaituzte.

Hau idatzi zuen guraso.eus eko kolaboratzaile den Koldo Gilsanzek bere kolaborazio batean, Muga edo limiteen beharraz hausnartu zuen baita transgresioen inguruan ere.

Gurasotasunean gai izarretako bat bilakatu da; nola ezarri mugak gure seme alebekin? Nola kudeatu hauek eta nola kudeatu hauek ezartzean sortzen diren gatazkak?

Gaurkoan, Alvaro Bilbao neuropsikologo eta komunikatzaileak sare sozialetan argitaratutako hausnarketa ekarri dugu. Bertan, bere ustez gurasook mugak jarri edo ez jartzean egin ditzakegun 4 akats izendatzen ditu

Guraso asko galduta sentitzen dira seme-alaba txikiei mugak jartzerakoan. Mugak zailak dira, gatazka baten agerpena direlako eta gatazkek urduri jartzen gaituztelako, zalantzan jartzen gaituztelako eta, askotan, gatazka gehiago ere sor ditzaketelako.

Mugak jartzea nahiko erraza eta oso eraginkorra izan daiteke, dramarik gabeko mugak jartzeko gako batzuk jarraituz gero. Guraso batzuek mugak jartzea  saihesten dute  edo modu zakarrean konpontzen dute arazoa. Azpiko hausnarketan  gurasoek mugei dagokienez maiz egiten ditugun 4 akats izendatu ditut.


1.Mugarik  Ez jarri

Ondo frogatuta dago. Mugak garrantzitsuak eta beharrezkoak dira edozein umeren garun-garapenerako. Mugek jokoaren arauak osatzen dituzte eta hauek ez ditugunean galduta sentitzen gara. Horregatik, mugarik gabe hazten den haurrak konfiantza-arazoak, bere buruarekiko segurtasun-arazoak eta bere portaera eta emozioak erregulatzeko arazo handiagoak izan ditzake. Azken finean, emozioak erregulatzeko autokontrol dosi handiak behar dira.

2. Muga gehiegi jartzea

Guraso askok benetan  sinisten dute  haurraren garapenerako mugak onak eta beharrezkoak  direla, baina  haurraren portaeraren alderdi guztiak arautu edo kontrolatu behar dituztela uste dute eta haurrak kudeatu ezin duen  arau eta erregulazioen sistema konplexuegia sortzen dute.

 Hobe da beti muga gutxi jartzea, haurrak gogoratu eta errespetatu ahal izango dituenak   Gogoratu bestalde  lehen urratsa eredu izatea dela, beraz, saiatu mugetatik kanpo ez ibiltzen.

3. Pisu guztia mugen gain uztea

Batzuetan gurasoek konfiantza handiegia dute mugetan. Haurra oso txikia denean eta hitz egiteko, hizkuntza konplexua ulertzeko edo mugak modu klasikoan arrazoitzeko gaitasunik ez duenean, “Ez” izan daiteke estrategiarik lagungarriena. Hala ere, 3 edo 4 urtetik gorako haurrei buruz hitz egiten dugunean, eraginkorrena izaten da muga huts eta gogorra inplikatutako guztien artean adostutako arau bihurtzea. Arauek (muga modu bat diren arren) aukera ematen digute akordio argi batzuk izateko, lasaiago bizi ahal izateko eta horrenbeste “EZ” esan beharrik ez izateko.

4. Ezetza haserrearekin identifikatzea

Guraso batzuentzat, “Muga” hitzak izugarria dirudi, hertsadura, zigor edo haserrearen sinonimoa balitz bezala ulertzen dute. Mugak ez dira atseginak, haurrari egiten ari den eta itxuraz konforme dagoen zerbait egiteari uzteko eskatzea baitakarte, baina ez dute horregatik desatseginak izan behar.

Zure seme edo alaba zure  telefonoarekin jolasten hasten bada zure baimenik gabe, aukera ezberdinak  dituzu ezezkoa esateko eta muga jartzeko: eskuan jo eta telefonoa kentzea aukera  bat izan daiteke, bere panpin gogokoena hartu eta telefonoaren ordez ematea beste bat.  Bi kasuetan muga bat jartzen ari zara, nahiz eta lehenengoan haurrak sufritu eta besteekin harremanak izateko eraso fisikoa baliabide egokia dela ikasiko duen. Bigarren kasuan aldiz,  desadostasuna dagoenean ere adeitasuna presente egon daitekeela ikasiko du