Jazarpen egoerei aurre egiten laguntzeko irakurketa gida

Jazarpen edo bullying egoerek kezka handia eragiten dute, eta datuen arabera oso zabalduta daude. Galdera da, orain, nola egin aurre jazarpen egoerei?

Literatura izan daiteke aukeretako bat. Civican Liburutegiak gida lagungarri bat argitaratu du Galtzagorri Elkartearen lankidetzarekin. Gidaren izena da: Gainditu ezazu eskola jazarpena / Pasa página al acoso escolar.

Eskola-jazarpena edo bullying-a elkarbizitza arazo larria da, egoera konplexuei erantzuten dien indarkeriazko jokaera bat, hezitzaileak, familiak eta haur eta gazteak kezkatzen dituen arazoa. Gida honek batzuentzat zein besteentzat lagungarri izan daitezkeen irakurgai batzuk proposatzen ditu: ikasleentzako informazio baliabideak, adituen analisi garrantzitsu batzuk familia nahiz irakasleei zuzenduak eta hausnarketarako eta eztabaidarako fikziozko istorioak. Azken hauetan, jazarpen eta zirikatze adibide zehatzez gain, norberaren estimua, aurreiritziak eta elkarrizketa eza lantzen dituzten izenburuak ere sartu dira. Laburbilduz, ikastetxeetan elkarbizitzarako gaitasunak garatzen lagundu dezaketen irakurketa proposamen sorta eskaintzen.