Haur txikien hospitalizazioaren inguruan gutxi idatzi izan dugu, Koldo Gilsazek “Haur hezkuntzako haur baten programatutako ebakuntza bat nola kudeatu” kolaborazio artkulua idatzi zuen 2023an. Baina gaurko honetan “Jolasak” ospitaletan duen presentziaz hausnartu nahi dugu. Jolasa Bizi premia gisa balioztatzearen garrantziaz.

Jolasa haurtzaroko osasunaren sinboloa eta oinarria bada, ezin dugu saihestu geure buruari galdetzea: nork zaintzen du ospitaleratutako haurren jolaserako eskubidea? Inork azaltzen al die familiei eta medikuei jolastea, zainketak edo medikazioa bezain garrantzitsua dela? Sendatzeko haurrek ere jolastu egin behar dutela. Badago jolas autonomo eta kalitatezkoan espezializatutako figurarik ospitaleetako langileei aholkuak ematen? Nork aukeratzen ditu hospitaletako jostailuak eta jolasak? badaude?

Jolasa erabat inklusiboa da, haur bakoitzaren barruan bizi eta jaiotzen da, eta haien mundua eta errealitatea ulertzen laguntzen die, baina kanal bideratzaile bat behar du: helduak. Helduon oniritzirik gabe jolasa, oro har, eta bereziki ospitaleetan, ezin da existitu! Hori dela eta, jarduera hori bizi-premia gisa baliozkotu behar da, jan, lo egin edo arreta medikoa jaso adina sendatzen eta babesten baitu.

Beste artikulu batzuk

Umeen eskubidea da osasun probak edo azterketak egin bitartean lagunduta egotea