Ordiziak oso parke interesgarriak ditu, hausnarketa egina dute herri jolasgarriago bat izateko, honen berri eman genuen Adur Ezenarro alkateari egindako elkarrizketan. Gaurkoan, Oiangu parkea nabarmendu nahi dugu; Oiangu, ordiziarrek oso ondo ezagutzen dute baina zuk ezagutzen zenuen? Parkea ez da herri erdian kokatzen pixkat ibili beharra dago kokatzen den muinoraino joateko.

Sarbide erraza du, zuhaitz ugariren itzala aurkitu dezakegu, belardi zabala, hezegunea eta jolaserako elementu ezberdinak. Mahai eta ahulkiak badira eta txikienek esploratzeko 523.598 m2 dituzte. Txindokira begira dago parkea eta ibilbide ezberdinak egin ditzakegu bertatik abiatuta.