22 urte beteko ditu aurten Txatxilipurdi Elkartetik Gabonak aurretik antolatzen dugun Jostailu Truke Merkatuak.

Jostailuak jasotzeari azaroaren 20an ekingo diogu. Hauek, osorik eta egoera onean egon beharko dira, parte hartuko duen edonori jasotzea gustatuko litzaiokeen bezala.

Jasoketa egiteko egun, ordu eta guneak hauek izango dira:

  • Azaroak 20, Arimazubi plazan, 17:00-18:00 bitarte.
  • Azaroak 21, Biteri plazan, 17:00-18:00 bitarte.
  • Azaroak 22, Txaetako parkean, 12:00-13:00 bitarte.
  • Azaroak 27, Santamarina ludotekan, 17:00-18:00 bitarte.
  • Azaroak 28, Usaetxe plazan, 17:00-18:30 bitarte.
  • Azaroak 29, Arimazubi plazan, 12:00-13:30 bitarte.
  • Abenduak 2, Euskal Herria plazan, 17:00-18:30
  • Abenduak 3, Santamarina ludotekan, 17:00-18:30
  • Abenduak 4, Biteri plazan, 17:00-18:30

Ordutegi edo gune hauetara jostailuak eraman ezin dituztenentzat,  9:00-13:00 bitartean Txatxilipurdiko bulegora eramateko aukera egongo da.

Txatxilipurdiko baloreei jarraiki, indarkeria sustatzen duten jostailuak ez dira onartuak izango ez eta jarrera sexista erakusten dutenak ere. Berdintasunari eta tratu onei, beste hainbat baloreen artean, garrantzi handia ematen baitiegu.

Jostailu guztiek balio berdina izango dute eta hauen truke, txartelak banatuko dira jasoketa puntuetan. Zenbat jostailu hainbat txartel!

Abenduaren 13an, Jostailu truke eguna ospatuko da 11:30-13:30 bitartean Seber Altube plazan egongo den karpan. Txartel bakoitzeko jostailu bat trukatzeko aukera izango dute parte hartzaileek.

Gabon garaian jostailuak erosi beharrean trukatuz ezberdinak lortzeko aukera paregabea da. Etxean erabiltzen ez diren jostailuak beste batzuengatik trukatu eta egin jolas!

Parte hartu eta gozatu!