Kimudi izeneko hazkuntzarako eta familian jolasteko zentrotik, euren sare sozialetan baliabide bat partekatu dute, jolasen bitartez, umeek eurek erabili dituzten jostailuak modu dibertigarri baten jaso ditzaten.

Bertan galdetu dute ea zergatik ematen duen horrenbeste pereza jostailuak jasotzeak, eta erantzun dute esanaz egiten ari garen jolasa ordezkatzen duen zeregina delako, horiek jasotzea.

Jostailuak jasotzeko jolasen ideiak

Erabilitako jostailuak jasotzeko hainbat modu daudela adierazi dute, eta adibide hauek jarri dituzte:

  • Saskiratzea: jarri jostailuak gordetzeko kaxa edo dena delakoa gelaren erdian eta zuhurtasunezko distantzia batetik jaurtitzera jolastu. Txalo eta alaitasunez ospatu guztien saskiratze bakoitza.
  • Estatuak: jarri musika eta guztien artean hasi jostailuak jasotzen. Musika gelditu eta momentu horretan guztiok gelditu beharko zarete geldi-geldi, estatuak bezala.
  • Aukeratu besteak jasoko duena: nik zugatik, zuk amatxorengatik, aitatxok beste anaiarengatik… eta aukeratzen joan pertsona eta zer jasoko duen. Jasotzeko momentu horretan, itxi begiak eta jasotzen zegoena jaso ostean, tatxan, sorpresa eman diezagula! Harritu jasota ikusten dugunean eta eta ospatu momentua.
  • Katean pasa: pertsonen kate bat osatu eta jostailuak bata besteari pasatzen joan, gorde beharreko kaxara iritsi arte. Joan lekuak txandakatzen tarteka “aldatu” oihukatuz, dibertigarriagoa egiteko.
  • Animaliak imitatu: kanguru baten moduan ibili, dordoka baten moduan, kargrejoa, txakurra… mugi zaitezte animalia baten moduan eta jostailua jasotzera iristen den lehenak aukeratuko du jasotzeko hurrengo aldian zein animalia imitatu. Animaliek egiten dituzten soinuak ere gehitu ditzazkegu.

Kontutan hartzekoak

Hori guztia aurrera eramateko, kontuan hartu ideia hauek:

  • Denborarekin eta presa gabe hasi jostailuak gordetzen.
  • Eskertu.
  • Guztiok egin.
  • Aldatu eta egokitu adinaren arabera.