Eibarko institutu publiko bateko filosofia irakaslea da Juan Izuzkiza. Hezkuntza-sistemaz, ikasleen, irakasleen eta gurasoen paperaz eta gizartearen arteko harremanez jardun du bere Zaunka egiten duten bildotsak liburuan. Zergatik daude aspertuta ikasleak? Zergatik hartzen dute irakasleek biktima papera? Zer paper jokatzen dute gurasoek honetan guztian? Horiek eta beste hainbat dira bergararrak lantzen dituen gogoetak.

Izuzkizak “haserretik abiatuta” erakutsi nahi izan du eskola ezagutzen ez duten pedagogoek idatzitakoak direla egungo ikasketa-planak eta erakundeek hori onartzeari “uko” egiten diotela.

Bestetik, liburuaren izenari dagokionez, argitu du irakaskuntzan parte hartzen duten “bildots” guztiek zaunka egin eta, aldi berean, obeditu egiten dutela, eta hori errealitatearen isla dela.

Etiketak: