Kalean da euskarazko produktuen katalogo berria

Gero eta produktu gehiago egiten dira euskaraz, eta horien aukeraketa bat da katalogo horretan bildu dutena.

0-12 urte bitarteko neska-mutikoei zuzendutako euskarazko produktuak agertzen dira bertan sailka zein adinka aurkeztuta. Jostailu eta jokoak, musika, DVD filmak, App-ak, aldizkariak, liburuak, gurasoentzako materiala eta komikiak jaso dituzte bertan.

Produktu gehiagoren berri izan nahi baduzu, edo informazio zehatzagoa behar izenez gero www.katalogoa.eus webgunera jo daiteke.

Urte osoan zehar eguneratzen dute webgunea. Bertan badago aukera buletinean harpidetzeko eta nobedadeen berri izateko e-posta bidez. Facebook bidez ere jaso daiteke egitasmoaren berri.