Ez dira gurean asko ikusten, baina berezia da kolorez aldatzeko kameleoiek duten ahalmena. Eskulan dibertigarri bezain polita egingo dugu kameleoien omenez.

Materiala

  • Kartoizko bi platera.
  • Pinturak.
  • Pintzela.
  • Guraizeak.
  • Arkatza edota errotulagailua.
  • Koadernatzeko klip bat.

Nola egin

  1. MARGOTU. Bi plateretako bat margotu zure gustura. Gero eta kolore gehiago gero eta hobeto izango da.
  2. MARGOTU KAMELEOIA. Arkatzarekin margotu dugu guk lehenengo eta errotulagailuarekin markatu dugu ondoren. Tentuz egin isatsa; izan ere, oso isats berezia dute kameleoiek.
  3. MOZTU KAMELEOIA. Hauxe izango da egitekorik zailena. Kontuz eta tentuz egin. Guk guraizeak erabili ditugu baina cutter bat ere oso egokia izan daiteke.
  4. LOTU BI PLATERAK. Margotutako platera azpian eta kameleoiarena gainean daudela egin zuloa erdian eta sartu koadernatzeko klipa. Hala, azpiko platera biratzen joanez gero kameleoia kolorez aldatzen ikusiko duzu.