Herriko plaza eraldatu eta haurrei (inongo mugarik gabe) berton zer nahiko luketen galdetuz gero, denetariko erantzunak jasoko genituzke. Erantzun magikoak eta egunerokoan ikusten dutenaren erreplikak izango dira gehienak; zezen plazak, futbolean jolasteko kantxak, tirolina erraldoiak,  jolas parke erraldoia, koloretako ur beroa duen  igerilekua…

Honelako erantzunak jasoko genituzke, ziur!  eta erantzunen  artean ohikoa,  “labirinto bat!”  izaten da. Badu zerbait magikoa labirintoan galtzeak, irteera ezin asmatuta ibiltzeak…

Abenduaren 2an labirinto bat topatu genuen Bergarako San Martin plazan. Sartzea erraza izan zen, gero   irteteko ate ezberdinak igaro eta erronka irudimentsuak gainditu behar izan genituen.

Itinerania konpainia katalanaren instalazioa zen plaza jolaserako okupatu zuena.

Kalea elkargune gisa aldarrikatuz, Itinerània konpainiak  espazio publikoaren esku-hartze iragankorra eta jai-girokoa proposatzen du.

 Funtsean burdinaz eta egurrez eraikitako instalazio parte-hartzailea da proposatzen duten laberintoa. Ageriko oinarrizko mekanikako egitura sinpleak eta tramankuluak dira. Parte hartze handiko proposamena adin guztietako pertsonentzat. Instalazioak atzean duen mezua izan da gustatu zaiguna, espazio publikoa jolaserako eta erronkarako bir konkistatzea.