Eskolako lehen egunnak bereziak izaten dira bai haur, bai guraso askorentzat ere. Banaketa momentua izaten da, eta oso modu ezberdinean bizi dute haur eta gurasoek. Alvaro Bilbao neuropsikoloagoak banaketa momentu honetaz hausnartu du sare sozialetan. Nola bizi izan duzu zuk?

Eskolako lehen eguna momentu zaila izan daiteke guraso askorentzat. Ez du zertan lehen eskola ikasturteko lehen eguna izan behar. Guraso asko hunkitzen dira eskolako lehen egun bakoitzean. Haurrak oso txikiak dira eta motxilak oso handiak. Ikastetxeko  gelako atetik sartzen ikusteak magaletik irteten ikustea esan nahi du. Gure inguruan, guraso bakoitzaren aurpegian, emozio asko sumatzen ditugu. Ilusioa, beldurra, poza, larritasuna, banantzea, pena… Normala da hunkitzea.


Azken besarkada horrekin bihotz zati bat zatitzen zaigula sentitzea ere guztiz normala da. Guraso guztiak hunkitu ginen. Askok, gehienok beharbada, uneren batean orratzak sentitzen ditugu eztarrian, eta malkoek begiak gainezka. Eta askori, gehienoi beharbada, malkoren bat edo beste erortzen zaigu. Normala da eskolako lehen egunean emozio hori sentitzea, baina, mesedez, horrela sentitzen bazara, ez negar egin, ez lehenago, ez agurrean. Egin negar gero.


Haurrak txikiak dira. Garuna ez du oso garatuta, eta ez ditu arrazoiak ulertzen, eta ez da gai gauzak testuinguruan jartzeko. Hala ere, heldugabetasun arrazional horrek burmuin intuitiboagoa eta emozionalagoa uzten du agerian. Azkar pozten den eta azkar beldurtzen den garuna. Zure semeak negarrez ikusten bazaitu, zure beldurra sumatuko du eta, zalantzarik gabe, beldurtu egingo da. Horregatik, irakasle gehienek ez dute zalantzarik egiten dutena egiten dutela ere gurasoei malkoak beren baitarako gordetzeko eskatzeko. Haurren burmuinean emozio guztiak handiagotu egiten dira. Negar egiten baduzu gelako ateak ireki baino lehen edo eskolara bidean, haurrak sentitu dezake hiltegira eramaten ari garela. Agurrean negar egiten baduzu, gauza okerragoa ere izan daiteke; aita edo ama banantzean negar zotinka ari bada, beldurra eta ikara  eragingo dio haurrari. Ez dago ezer txarrik negar egitean, baina banaketan malkoek erasotzen badizute , ez askatu, ez lehenago, ez agurrean. Askatu gero.