Buruhauste ugari ematen ditu sarri umearen loak. Guraso asko eta asko nekatuta jaikitzen dira goizean, haurrak gauean euren babesa eskatzen zuelako, jan beharra zeukalako edota beste hainbat arrazoigatik. Dena den, haurrak deskantsu egoki bat izan dezan, egunean zehar egiten dituen lo-kuluxkek sekulako garrantzia izaten dute gauean izango duen loan.

Haurrak, euren adinaren arabera, bataz beste iratzarrita pasa dezaketen gehienezko ordu kopuru bat izaten dute. Horri deitzen zaio lo leihoa. Eta hain justu ere, oso garrantzitsua izaten da gutxi gorabehera lo leiho horiek errespetatzea.

Adinaren arabera, ondorengo taulan ikus daiteke haur bakoitzak zenbat orduz egin beharko lukeen lo gauean zehar, zenbat orduz egunean eta guztira lotan egin beharko lituzkeen orduak egunero.

AdinaGauaLo-kuluxkakGuztira
6-8 hilabete11-122-314,5
9-11 hilabete11-12214
12-17 hilabete10,5-11,51-213,5
18-24 hilabete10,5-11,5113
2 urte10,5-11,5113
3 urte10-110-112

Haurraren lo leiho horiek errespetatzeko, bai goizez eta baita arratsaldez ere, asko jota iratzarrita egon daitekeen ordu kopurua zehazten da beheko taulan.

AdinaGoizez iratzarritaArratsaldez iratzarrita
6-8 hilabete2-32-3
9-11 hilabete2-33-4
12-18 hilabete3-43-4
19-30 hilabete5-74-5

Garrantzitsua da jakitea baita ere, haur bakoitza desberdina dela eta balitekeela haur batek, nahiz eta adin zehatz batean egon, goiko tauletan ageri diren ordu kopuruen desberdina pasatzen badu lotan, baina egunean zehar pozik eta logure gabe baldin badago, hori ere normala dela eta ondo dagoela.

Iturria: Dulces sueños para niños despiertos liburua.