Martxoaren 8a da gaur. Egun berezia; guraso eta hezitzaile moduan, ospatzeko, aldarrikatzeko, gozatzeko, borrokatzeko… eguna izan daiteke. Aitzakia hitz egiteko, eguneroko lanari jarraipena emateko edo gurasotasunaren loturetatik egun batez askatu eta emakume militante gisa  parte hartzeko.

Gustura jasoko genituzke irakurleon hausnarketak, nola bizi duzue martxoaren 8 hau?  

Guraso.eus egitasmoko kolaboratzaileei ere eskatu genien atzo hausnarketa bidaltzeko. Hemen batu ditugu ahots ezberdinak.

Nekane, Larraitz, Jone, Maider, Itxaro, Txusma, Itsaso, Laura, June, Nahia, Nora eta Naroaren ahotsak batu ditugu. Eskerrik asko!

Atzo Nerea Agirreren testua ere jaso genuen.

Atzo gauean sare sozialetan igerian nenbilela esaldi bat irakurri nuen.
Gaur ez naiz gai izan berriro aurkitzeko.

Zalantza sortu zait ia benetan irakurri ote nuen edo eguna(e)(re)n nekeak harrapatuta izan nuen begitazio huts bat izan omen zen.

Esaldiak horrela zioen:
Martxoak 8an:
Indarra baduzu, borroka ezazu.
Indarrik ez baduzu, deskantsa ezazu!!

Esaldiak aurtengo M8ra nola iritsi naizen pentsatzeko parada eskaini zidan.

Momentu batez nire gorputza, burua…nola zeuden sentipentsatzen jarri nintzen. Halako baten….

Ostras…Guraso elkarterako bideoa grabatu behar dut ama eta beste gauza asko izateaz gain, irakaslea eta ikerlaria ere banaizela esanaz, eta gaur da azken eguna!
Umeak eskolara eramateko aitzinako eta gaur egungo emakumeen argazkiak inprimatzea ahaztu zai(t)(gu)…espero dut astearterako izatea eta ez astelehenerako…

Lo gelditu naiz.

Esnatu naizenean…M7 astelehena, ohiko astelehen bat, beste astelehen bat…M8 asteartea… oraindik ez dakit zer egingo dudan…gaurkoa amaitzean ikusi behar…borroka edo atsedena??!!

Zure hausnarketa edo audioa bidali nahi baduzu, gurasoak@txatxilipurdi.eus edo bidali audio bat 618831922 zenbakira whatsApp bitartez.