Migrazioaren gaia herri mailan landu zen Bergaran urtarriletik apirilera bitartean. Honetarako, herriko elkarte batek bultzatuta (Ndank Ndank) Bergarako hiru ikastetxeetako DBHko 4. mailako ikasleek, “Miñan” liburua irakurri eta gaia landu zuten, baita elkarteko kideen bisita jaso eta hauek bideratutako hausnarketetan parte hartu ere.

Migrazioaren gaia ikasleekin lantzeko aukera paregabea izen da  “Miñan”, Ibrahima Balde eta  Amets Arzallusek elkarlanean ondutako  liburua.

Ibrahima kamioi batean zebilen aprendiz Ginean, egun batean amak deitu zuen arte: anaia txikia falta zen etxean. Eta haren bila abiatu zen. Basamortua gurutzatu; pasatzaile, polizia, bahitzaileekin topo egin; egarria, gosea, mina ezagutu. Afrikatik Europarako bidea. Mediterraneoa zeharkatzen dutenak deshumanizatzea ezinbestekoa da haien heriotzen, kanporatzeen, ilegalizatutako bizitzen gaineko ezaxola zabaltzeko. Baina bizitza horietako bakoitza bakarra da eta, beraz, unibertsala. Eta kontatzeak hori azpimarratzen du.

Miñan

Liburuaren egileetariko bat,  Amets Arzallus, izan zen Apirilaren 27an Bergarako Seminarixoan. Migrazioaz hitz egin zuen, liburua idazteko izan zuen bulkadaz eta Ibraimarekin sortutako harremanaz. Hunkigarri bezain dotore.

Urtarriletik migrazioaren bueltan herriko hiru ikastetxeetan abiatutako lanketak,  lehiaketa izaera ere hartu du eta ikasleei hausnarketak eskatu zizkieten honetan parte hartzeko. Ekitaldian  sariak ere banatu zituzten.

Zortzi ikasle saritu zituzten gogoeta lan edo ilustrazioetan erakutsitako “kalitate altuagatik”. Honako ikasle hauek izan ziren sarituak:

  • Idoia Martinez (Migrazioari buruzko hausnarketa eta ilustrazioa) Ipintza Institutua.
  • Nagore Galeano (Migrazioa) Ipintza Institutua.
  • Aya akkouh El Khayati (Nire lagun kanpotarrarentzat gutuna) Ipintza Institutua.
  • Naia Aranguren Castañares (Gure bizitzak arriskatuta) Ipintza Institutua.
  • Enara Mugika Carrillo (Itsasoan galdutako eskutitza) Ipintza Institutua.
  • Enara Alberdi: (Afrikarik Europara) Mariaren Lagundia.
  • Eider Elorza (Migrazioa idazlana) Aranzadi Ikastola.
  • Itsaso Villar (Bizirautea bizitzea al da?) Aranzadi Ikastola.

 100 bat lagun elkartu ziren Seminarixoan eta gustora azaldu dira antolatzaileak, baita bertaratutako ikusleak ere. Guk hauetariko batzuen hausnarketak batu ditugu.