Bergarako Ndank Ndank elkarteak gauzatzen duen Elkarbizitza eta Elkartasuna programaren bigarren edizioa martxan da.

Programa honen bigarren edizioa 2021 urtean zehar eramango da aurrera  eta senegaldar eta euskaldunen arteko harremana sustatzeaz gain, migrazioaren  gaia ere  landuko du Herrian. Egitasmo honek Bergara herria eta Senegaleko  Dionewar herriaren  arteko elkar ezagutza ere bultzatzen du, kulturartekotasuna sustatzearekin batera.

Bergarako  hiru ikastetxeetako 4. DBHko ikasleekin lanketa egiten dabiltza une honetan, honen berri izateko Eli Dominguez elkarteko kidearekin hitz egin dugu.

“Elkarbizitza eta elkartasun programa baitan, Bergarako hiru ikastetxeei migrazioa lantzeko programa bat luzatu diegu 4.DBHko ikasleentzat. Migrazioari buruzko aurreiritzi test bat burutu ondoren, Ibrahima Balde eta Amets Arzallusen ‘Miñan’ liburuaren irakurketari ekingo diote. Liburu honen bitartez Ibrahimaren migrazio esperientzia ezagutu ahalko dute.”